Қазақстандық блогерлер батыс жұлдыздарына еліктеп өз косметикаларын шығара бастады

Фото: Жұлдыздардың Instagram желісінен

Қазақстанда танымал блогерлер батыс жұлдыздарының ізімен өздерінің косметика желілерін шығара бастады. Бұл туралы Stan.kz ақпарат агенттігі хабарлайды. 

Енді маркетплейстерден Мадлен Мамадалиеваның Madlen’s Glow атты ерін жылтырағы мен қарындаштан тұратын жиынтығын — 17,8 мың теңгеге, Карины Оксукпаеваның Lick ерін жылтырағын — 5,9 мың теңгеге, ал Айым Сейтметованың BlushMe атты румянасын — 7,9 мың теңгеге сатып алуға болады. Барлық өнім Қытайда өндіріледі.

Блогерлер косметиканы әлеуметтік желілерде белсенді жарнамалап, түрлі промо-кампаниялар жүргізіп жатыр.

Nege.Aqsha дерегінше, Lick ерін жылтырағын StartUp Studio компаниясы шығарады. Оның иелері — Карины Оксукпаеваның жұбайы Арман Юсупов пен олардың жақын досы, кәсіпкер Рүстем Жәлі. Компания 2024 жылдың қарашасында Алматыда тіркелген, бас директоры — Жәлі. Юсупов пен Жәлі Айым Сейтметовамен бірге 2025 жылдың сәуірінде құрылған Glam Me компаниясының да иелері. Бұл фирма BlushMe румянасын шығарады.

Ал Мадленнің өнімдерін 2025 жылдың мамырында тіркелген Madlens Glow фирмасы арқылы сатады. Компанияны блогердің әпкесі Сабина Шакурова басқарады. Мұндай тәжірибе әлем жұлдыздары арасында кең таралған. Мысалы, Кайли Дженнердің Kylie Cosmetics, Хейли Бибердің Rhode, Селена Гоместің Rare Beauty брендтері жаһандық деңгейде танымал.