Қазақстандық балуан Мадхия Усманова жасөспірімдер арасындағы әлем чемпионы атанды
Фото: UWW
Мадхия Усманова Афинада өткен жасөспірімдер арасындағы әлем чемпионатында алтын медаль жеңіп алды. Бұл туралы Stan.kz ақпарат агенттігі хабарлайды.
Грекияның Афина қаласында 17 жасқа дейінгі жасөспірім қыздар арасында күрестен әлем чемпионаты аяқталды. Аталған жарыста Қазақстан атынан сынға түскен Мадхия Усманова алтын медаль жеңіп алды.
57 келі салмақ дәрежесінде өнер көрсеткен Усманова барлық жекпе-жектерінде сенімді күрес көрсетіп, финалда Үндістан балуаны Мониді 6:5 есебімен жеңіп шықты. Бұл жеңіс жас спортшының мансабындағы ең ірі табысы болып отыр және Қазақстан құрамасының алғашқы алтынына айналды.
Сондай-ақ, осы чемпионатта тағы бір отандасымыз Інжу Баққожа 43 келі салмақта қола жүлдені жеңіп алды.
Бұған дейін грек-рим күресінен қазақстандық жас балуан Жаңажол Қуанышбек әлем чемпионы атанғанын хабарлаған едік.
Талқылау

Әкімдік қаладағы ескі брусчаткалардың мұқтаж отбасыға берілгенін айтты: Алайда Боқаев төсеуіштің жеке қолға сатылып жатқанын түсіріп алған (видео)
Санжар Боқаевтың айтуынша, әкелінген брусчатка мүлде бүлінбеген, тіпті жаңа күйінде болған

Алматылықтар Әл-Фараби даңғылының жабылуына байланысты көлік коллапсын күтуде: Әкімдік жөндеу жұмыстары неге жаз соңында басталғанын түсіндірді
Әл-Фараби даңғылы бойындағы газ құбыры 1974 жылдан бері жұмыс істеп келеді және әбден тозған