Соңғы жаңалықтар
Соңғы жаңалықтар

"Қазақстандағы мектептерде орыс тілді сыныптар жабылады": Оқу-ағарту министрлігі желідегі ақпаратқа жауап берді

Әлеуметтік желіде Қазақстанда 6-7 жыл ішінде мектептерде орыс тілінде оқытатын сыныптар жабылатыны туралы ақпарат тараған. Алайда Оқу-ағарту министрлігі мұны жоққа шығарды, деп хабарлайды Stan.kz ақпарат агенттігі StopFake.kz басылымына сілтеме жасап. 

мектеп

"Бұл ақпарат шындыққа жанаспайды. Қазақ сыныптарында да, орыс тілінде оқытатын сыныптарда да орыс тілі бұрынғыдай оқытылады, басқа жоспар жоқ", – деді Қазақстан Республикасының оқу-ағарту бірінші вице-министрі Шолпан Каринова.

Желідегі ақпаратқа екі жыл бұрын 31-арнада жарияланған “Қазақстанда орыс мектептерінің болашағы бар ма?" материалы негіз болған. Оған елордадағы №90 гимназияның директоры Аятжан Ахметжанұлының пікірі ұсынылып, орта білім беру саласындағы үрдістер талқыланды. Сондай-ақ орыс тілді мектептердегі оқушылар санының азаюы сөз болды.

“Гимназия директоры қалған оқушылар болашақта бәсекеге қабілетсіз болып қалуы мүмкін деген пікірін білдіріп, ата-аналарды мемлекеттік тілді меңгеру үшін балаларды қазақ мектептеріне беруге шақырды. Сонымен қатар сюжетте Білім сарапшыларының қазақ лигасының вице-президенті Наталья Дрейттің де пікірі ұсынылды. Ол орыс және қазақ мектептері толы және мәселе мұғалімдердің жетіспеушілігінде, ал бұл жағдайды педагогтердің мәртебесі туралы заң өзгертуі тиіс деп мәлімдеді. Бүгінде бұл материал пабликтерде әдейі бұрмаланып жариялануда", – деп түсіндірді "31 арна" өкілдері.

Талқылау