Қазақстанда зорлық-зомбылықтан кейінгі жарақатты есепке алу енгізілуі мүмкін

Қазақстанда зорлық-зомбылықтан кейінгі зардап шегушінің жағдайын тіркейтін жоба іске қосылмақ, деп хабарлайды Stan.kz ақпарат агенттігі.

"Ашық НЛА" порталында "Қатыгез қарым-қатынас нәтижесінде дене жарақатын және (немесе) психологиялық әсерді құжаттау үшін есепке алу және есептілік құжаттамасының нысандарын толтыру бойынша пилоттық жобаны іске асыру туралы" жобасы талқылауға ұсынылды.

Бұйрық жобасына сәйкес 2021 жылдың 1 қарашасынан бастап бухгалтерлік және есептік құжаттаманың нысандарын жүргізу бойынша пилоттық жобаны іске асыру жоспарлануда.

Сонымен қатар бұл жобаға қатысатын медициналық ұйымдардың тізімі белгілі болды. Бұл тізімде Ұлттық ғылыми травматология және ортопедия орталығы мен Нұр-Сұлтан қаласындағы №5 қалалық емханасы, Алматы қаласындағы №7 қалалық аурухана және Қарағандыдағы Мақажанов атындағы көпсалалы аурухана бар.

Енді бұл мекемелерге жүгінген науқастардың зорлық-зомбылық көру деңгейі, қандай құралдар арқылы зомбылық көргені, қинаудың ұзақтығы, зақымдану формалары толығымен есепке алынып, жәбірленушінің көңіл күйі мен психологиялық жағдайы қадағаланатын болады.

Жобаны талқылау 29 қазанға дейін жалғасады.