Қазақстанда жұмыртқа, пияз және сәбіз арзандады

Фото: 1000.menu

Сауда және интеграция министрлігі 2025 жылы алғаш рет әлеуметтік маңызы бар азық-түлік бағасының апта ішіндегі нөлдік өсімі тіркелгенін мәлімдеді. Бұл туралы Stan.kz ақпарат агенттігі хабарлайды.

Министрлік дерегінше, соңғы аптада кейбір өнімдердің бағасы төмендеген:

•    Жұмыртқа – 1,2%-ға,
•    Пияз – 0,8%-ға,
•    Сәбіз – 0,6%-ға,
•    Кеспе мен күріш – 0,1%-ға арзандады.

Жыл басынан бері ұн бағасының 1,7%-ға төмендеуі тұтынушылық шығындардың тұрақтануына оң әсер еткен.

Әлеуметтік маңызы бар тауарлар бағасының индексі бірнеше өңірде төмендеді:

•    Түркістан облысында – 0,2%-ға,
•    Батыс Қазақстан және Солтүстік Қазақстан облыстарында – 0,1%-ға.
•    Ал Алматы, Астана, Шығыс Қазақстан, Жамбыл, Алматы, Қостанай және Абай облыстарында баға индексі өзгеріссіз қалды.

Бағаны ұстап тұру мақсатында өңірлік комиссиялар 1 872 заң бұзу дерегін анықтаған. Бұл әлеуметтік тауарларға рұқсат етілген 15%-дан жоғары үстемеақы қолдануға қатысты. Барлық факті бойынша әкімшілік істер қозғалды.

Сонымен қатар 6 100-ден астам тауар жеткізу тізбегі сарапталып, 655 жағдайда бәсекелестік заңнамасының бұзылу қаупі анықталды.

Бағаны тұрақтандырудың басты тетіктерінің бірі ауыл шаруашылығы жәрмеңкелері. 2025 жылдың басынан бері елде 3 мыңға жуық жәрмеңке өтіп, онда фермерлер өнімін делдалсыз, тікелей сатып, тұтынушыларға қолжетімді баға ұсынды.

Қазақстанда темекі тағы 12% қымбаттады

ЕАЭО елдері арасында әлеуметтік азық-түлік Қазақстанда ең қолжетімді бағада – Үкімет

Еске салайық, бұған дейін Ұлттық статистика бюросы бір адам үш айда орта есеппен 158 648 теңгені тек азық-түлікке жұмсайтынын айтты. Бұл ақшаның көп бөлігі ет, нан, сүт, күріш пен қарақұмық сияқты негізгі өнімдерге кетеді. Көкөніс бағасы да шарықтап тұр. Іріктелген картоп – 460 теңге, жуылған сәбіз – 499 теңге.