Қазақстанда тәулігіне бес адам коронавирустан қайтыс болды

Қазақстанда тәулігіне коронавирустың салдарынан бес адам қайтыс болды, деп хабарлайды Stan.kz ақпарат агенттігі.

Қазіргі уақытта коронавирустық инфекциядан 4489 адам емделіп жатыр. Оның 333-і балалар. Ауруханаларда - 2 420 науқас, амбулаториялық деңгейде - 2069 науқас.

150 адамның жағдайы ауыр, 15-і өте ауыр, 22-і тыныс алу аппаратында, деп хабарлады денсаулық сақтау министрлігі.

Қазақстанда өткен тәулікте 442 адамда коронавирус індеті ПТР арқылы расталып, ауырғаны белгілі болды.