Қазақстанда тағы да -40 градусқа дейін күн суытады

Қазақстан бойынша 2021 жылғы 23-25 қаңтарға арналған ауа райы болжамы жарияланды, деп хабарлайды Stan.kz ақпарат агенттігі.

Ел аумағында тағы да аязды ауа райы күтіледі. Ауа температурасы төмендеп, тұман мен жел күшейеді. 

"Салехард аудандарынан суық антициклон Қазақстанның ауа райына әсер етеді. Жауын-шашынның тоқтатылуы және ауа температурасының төмендеуі күтілуде: оңтүстік аймақтарда -10...-20℃ дейін, солтүстік аймақтарда -32...-40℃ дейін. Еліміздің кей жерлерінде тұман және желдің күшеюі күтіледі", - дейді синоптиктер.