Үкіметтің кеңейтілген отырысында президенттің қатысуымен қосымша ҚҚС ставкасын көтеру ұсынысы айтылды. Жұманғариннің айтуынша, бизнес үшін белгілі бір шығындар болуы мүмкін.

"Еңбек ақысынан түсетін салмақтың өте жоғары екенін ескерткіміз келеді. Бұл – біздің экономикамыздағы ең үлкен мәселе. Бизнес төлеуге тиіс еңбек ақысынан түсетін салмақ шамамен 40 пайыз болды. Бұл өнімнің өзіндік құны", – деді Серік Жұманғарин.

Оның сөзінше, бұл өнімнің өзіндік құнының жоғары болуына және өнімнің бәсекеге қабілетсіз болуына әкеп соғады.

"Қосылған құн салығының шегін жоспарланған деңгейге дейін көтеру жағдайында еңбекақы қорына түсетін салмақты 10-30 пайызға дейін айтарлықтай төмендетуге дайынбыз. Ол әлеуметтік салық пен жұмыс берушілердің міндетті зейнетақы жарналарын жою арқылы іске асады. Бұл шығындарды бюджет өз мойнына алады", – деп атап өтті Жұманғарин.

Үкімет әлеуметтік салық жергілікті бюджеттер үшін негізгі кіріс көзі екенін түсінеді.

"Біз республикалық бюджеттен жергілікті бюджеттерге басқа салық түрлерін қайта бөлу нұсқаларын пысықтап жатырмыз. Біз бұл шығынды өтей аламыз. Келешектегі табыстар бұл мүмкіндікті береді. Нәтижесінде Қазақстанның салықтық жүйесі қайта балансқа келтіріледі", – деп толықтырды вице-премьер.

Еске салайық, бұған дейін 2024 жылдың 1 қыркүйегінен бастап Қазақстанда міндетті зейнетақы жарналарының жұмыс берушілер тарапынан Ұлттық жинақтаушы зейнетақы қоры арқылы төленетін көлемі мен тәртібін анықтайтын ережелер күшіне енді.

Айта кетейік, міндетті зейнетақы жарналары – бұл жұмыс берушілердің өз қаражатынан қызметкерлердің зейнетақы шоттарына аударған ақша сомасы.

Үкіметке маңызды жобалар үшін БЖЗҚ-дан қаржы алуға рұқсат берілді

Кезінде сіздерге көмектестік, енді сіздердің кезектеріңіз келді – Тоқаев елдегі банктер туралы

Былтыр 1 қаңтардан бастап Қазақстанда зейнетақы жарналарының жаңа ережелері күшіне енді. Қазақстанның жинақтаушы жүйесі жұмыс берушілердің міндетті зейнетақы жарналарымен толықтырылды. Әрбір жұмыс беруші, қызметкерлердің 10 пайыздық міндетті жарналарының үстіне, өз қаражаты есебінен қосымша жарналарды Бірыңғай жинақтаушы зейнетақы қорына аударады. Жарна 2024 жылы 1,5 пайыз болса, 2028 жылға қарай 5 пайызға жетуге тиіс.

Міндетті зейнетақы жарналары тек 1975 жылдан кейін туған қызметкерлер үшін аударылады. Сонымен қатар қызметкердің ай сайынғы табысы минималды жалақыдан төмен және 50 есе көп болмауға тиіс.

Жоспар бойынша жарналар жыл сайын өсуі керек еді:

2024 жыл – 1,5 пайыз;
2025 жыл – 2,5 пайыз;
2026 жыл – 3,5 пайыз;
2027 жыл – 4,5 пайыз;
2028 жыл – 5 пайыз.

Еңбек және халықты әлеуметтік қорғау министрлігінің айтуынша, Қазақстан жастарының зейнетақысы олардың зейнетақы жарналарына тікелей байланысты болуы үшін енгізілген.

Олардың зейнетақысы үш компоненттен тұруға тиіс еді:

базалық зейнетақы – мемлекет тарапынан;
жинақталған – олардың Бірыңғай жинақтаушы зейнетақы қорына аударған жарналары есебінен;
шартты жинақталған – жұмыс берушілердің жарналары есебінен.

Талқылау