Қазақстанда ЛГБТ-ны насихаттағандарға қандай жаза қолданылатыны белгілі болды
Мәдениет және ақпарат вице-министрі Евгений Кочетов Сенатта ЛГБТ насихатына қатысты заңды бұзғандарға қандай жаза қолданылатынын түсіндірді. Бұл туралы Stan.kz ақпарат агенттігі хабарлайды.
Кочетовтың айтуынша, ЛГБТ-ге жатқаны үшін ешкім жазаланбайды. Жаза тек "Құқыққа қайшы контентті таратудың" алдын алу туралы заң аясында қарастырылған.
“Интернеттегі ЛГБТ насихаты құқыққа қайшы контентке жатқызылған, сондықтан жауапкершілік "айна принципі" бойынша қолданылады. Егер бұл бірінші бұзушылық болса, айыппұл 20 АЕК (2025 жылы 78 640 теңге) көлемінде болады. Бір жыл ішінде екінші рет бұзушылық тіркелсе, айыппұл ұлғайтылады немесе 10 тәулікке әкімшілік қамақ қарастырылуы мүмкін, - деді Кочетов.
Вице-министр бұл норманың мәлімдемелік сипатқа ие екенін, яғни бұзушылықтар автоматты түрде анықталмайтынын атап өтті. Тек азаматтардан өтініш түскен соң, мысалы, eOtinish порталы арқылы түссе, контент сарапталады.
Евгений Кочетовтың айтуынша, насихатау дегенде бұрынғыдай оң баға беру қарастырылады.
Журналистер ықтимал қайшылықтарға назар аударып, мысалы, кейбір фильмдердегі сахналарды қиып тастау немесе бұлыңғырлау мәселесін сұрады. Вице-министр бұл цензура емес, бұл онлайн-кинотеатрлар мен прокатшылардың ұсынатын әртүрлі форматтары туралы екенін айтты.
"Біз әр түрлі кезеңдерде жасқа қатысты шектеулерді жоғарылатуды қолдадық. Қорытындысында қалай болатыны қиып тасталатынын, бұлыңғырланатынын немесе басқа формат қолданылатыны әлі талқыланады", - деді Кочетов.
Ол жаңа нормаларды қолдану ашық түрде жүргізілетінін және кейін қоғам мен БАҚ үшін түсіндірмелер берілетінін айтты.
Әлеуметтік желілердегі жарияланымдарға қатысты сұраққа жауап бере отырып, вице-министр нақты мысал келтірді.
"Егер екі ер адам қол ұстасып жүрсе де, оны әлеуметтік желіге салса, бұл, әрине, насихаттау болып саналмайды. Бірақ егер олар сол қауымдастыққа қосылуға шақырса, онда бұл насихаттау болып бағаланады, - деді ол.
Вице-министр сондай-ақ, тыйым тек дәстүрлі емес жыныстық қатынастар мен педофилияны насихаттауға қатысты екенін, ал мұндай шаралардың әлемдік үрдіске сәйкес екенін атап өтті.
"11 желтоқсаннанда META компаниясы осындай контенттің елеулі бөлігін бұғаттағаны туралы ақпарат шықты. Егер ірі онлайн-платформалар мұндай контентті көріп, шектейтін болса, демек ол бар", - деп түйіндеді Кочетов.
Еске салсақ, бүгін Сенат депутаттары ЛГБТ насихатына тыйым салатын заң жобасын мақұлдады.
"Адамдар келсе айт, жылауға дайындалайық": Қазақстандықтар жаназа кезінде бастан кешірген жағымсыз жайттары туралы баяндады
