Қазақстанда корей кеспесі қандай жағдайда сатылады: Министрлік бірқатар шарттарды атады
Денсаулық сақтау министрлігінің санитарлық-эпидемиологиялық бақылау комитеті корей кеспесінің қандай жағдайда Қазақстан нарығына қайтып оралатындығын айтты, деп хабарлайды Stan.kz ақпарат агенттігі.
Қазақстан аумағына әкелінетін өнімдер кеден одағының азық-түлік қауіпсіздігі жөніндегі техникалық регламенттеріне сәйкес келуі және генетикалық түрлендірілген организмдердің (ГМО) мазмұны бойынша таңбалау талаптарын бұзбауы керек.
"Корей кеспесін әкелуге және сатуға тыйым салуды алып тастаудың негізі - санитарлық-эпидемияға қарсы шараларды жүзеге асыру және өнімді өндірушіге бақылауды күшейту туралы Корей Республикасының уәкілетті органдарының хабарламасы, сондай-ақ өнімдердің кеден одағының техникалық регламенттеріне сәйкестігін бақылау зерттеулерінің нәтижелері есебінен орындалады", - деп хабарлады министрлік.
Комитет республикада жарамсыз өнімдің сатылуына шектеу егізу бойынша жұмыс жүргізіліп жатқанын айтты.
Шектеуді бұзып, корей кеспесін сатуды жалғастырған кәсіпкерлер әкімшілік құқық бұзушылық туралы кодекстің 425-бабы "Халықтың санитарлық-эпидемиологиялық салауаттылығы саласындағы заңнамалық талаптарды, сондай-ақ гигиеналық нормативтерді бұзу" бойынша айыппұлмен жазаланады.
14 қазаннан бастап Қазақстан генетикалық түрлендірілген сояның жоғары құрамына байланысты "Оттоги Рамен" компаниясының Оңтүстік Корея жылдам дайындалатын кеспесін әкелуге және сатуға тыйым салған болатын.