Қазақстанда "қызыл" аймақтағы өңірлер саны қысқарды

3 маусымдағы Қазақстан өңірлеріндегі эпидемиологиялық жағдайды бағалау матрицасы жарияланды, деп хабарлайды Stan.kz ақпарат агенттігі. 

"Қызыл" аймақта Нұр-Сұлтан және Қарағанды облысы орналасқан. Бір күн бұрын Ақмола облысы да осы аймақта еді. Өңірдегі эпиджағдай жақсарып, облыс "сары" аймаққа көшті.

Осылайша, қазір "сары" аймақта Алматы, Атырау, Ақмола, Батыс Қазақстан, Қостанай және Павлодар облыстары тұр.

"Жасыл" аймақта: Шымкент, Алматы, Ақтөбе, Шығыс Қазақстан, Жамбыл, Қызылорда, Маңғыстау, Түркістан және Солтүстік Қазақстан облыстары.