“Біз қосылған құн салығы бойынша дифференцияланған ставка ұсынып отырмыз. Жалпылама бекітілген 16% – базалық ставка. Екінші нұсқа – агроөнеркәсіп кешенін қосылған құн салығынан босату. Бұған қарамастан біз өз еркімен есепке тұру құқығын қалдырамыз. Сәйкесінше салық төлеуші ҚҚС (қосылған құн салығы) төлеушісі бола алады, мұндай құқық сақталады. Сондай-ақ аралық 10% мөлшерлеме де бар. Жобаға сәйкес бұл ставка денсаулық сақтау саласына, ІТ, креативті индустрия, туризм саласына ұсынылып отыр", – деді Амрин дөңгелек үстелде.

слайд

Фото: Мәжіліс презентациясынан

Оның сөзінше, жұмыс тобы аймақтарды аралау кезінде бизнес және жұртшылықтан түскен ұсыныстарды талқыға салған. Оның ішінде азық-түлік пен өзге де тауар категорияларына қатысты ҚҚС төмендету жайлы ұсыныс болған.

Сондай-ақ Салық кодексі жобасында келесі ұсыныстар бар:

ҚҚС-ты 12-ден 16% көтере отырып, бұқаралық ақпарат құралдары мен агроөнеркәсіп кешенін ҚҚС-тан босату. Сонымен қатар фарминдустрия, медицина қызметтері мен әлеуметтік маңызы бар азық-түлік үшін төмендетілген 10% көлемінде мөлшерлеме белгілеу;
ҚҚС төлеушелілерді тіркеу үшін ең төменгі шекті 20 000 АЕК-тен 3 800 АЕК-ке (2025 жылы 14 941 600 теңге) дейін төмендету.

"Қазір бұл сұрақ талқылау кезеңінде. Меніңше, Мәжілістегі салалық топтың жұмысы аясында біз бұл ұсыныстарды егжей-тегжейлі қарастырамыз деп ойлаймын", – деп қосты ол.

Министрлік дерегіне сәйкес бюджет түсімдерін көбейту арқылы жыл сайын ел қазынасы қосымша 4-5 триллион теңгеге толығады.

Еске салайық, бұған дейін Мәжіліске салық кодексіне түзетулер енгізу туралы заң жобасы енгізілгенін хабарлаған едік.

Талқылау