Қазақстанда карантинді жыл соңына дейін созуды ұсынды
Медицина ғылымдарының докторы, ҚР ҰҒА академигі, Қазақстан репродуктивті медицина қауымдастығының президенті Вячеслав Локшин Қазақстанда карантиннің қатаюына байланысты үндеу жолдады, деп хабарлайды Stan.kz ақпарат агенттігі КТК арнасына сілтеме жасап.
COVID-19 жұқтырғандар санының өсуіне байланысты республика Үкіметі 5 шілдеден 5 тамызға дейін карантиндік шараларды қатаңдату туралы шешім қабылдады. Осыған байланысты азаматтарға көмектесу және тыныштандыру үшін белгілі репродуктолог-дәрігер үрейленбеуді, медицинаға еш қатысы жоқ адамдардың әлеуметтік желілерде жіберетін хабарламаларына сенім артпауды сұрады.
"Бұл дем алу мүмкіндігі. Соңында біз белсенді қарым-қатынасты тоқтатамыз және науқастар саны міндетті түрде төмендейді. Біз оны алдағы бірнеше күнде байқаймыз. Біз жақындарымыздан, көптеген науқастардан айырылып отырмыз. Дәрі-дәрмектермен проблемалар бар", - деді ол.
"Сахнада медициналық білімі жоқ көптеген спикерлер пайда болды. Біз олардың көздеріне жас алып, дүрбелең тудыратын хабарларын жиі көріп отырмыз. Бұл ең нашар кеңесші. Бүгінде біз тынышталып, карантин шарттарын қатаң сақтауымыз керек", - деді профессор.
Егер коронавирусты инфекцияның белгілері болмаса, Локшин үйде қалуға шақырды. Ал жеңіл симптомдар пайда болған жағдайда, "Парацетамол" мен аскорбин қышқылынан басқа ештеңе қабылдаудың қажеті жоқ.
Академиктің айтуынша, жоғары температура және демікпе пайда болғанда медициналық көмекке жүгіну керек, себебі мұндай жағдай тек стационарда ғана емделеді.
"Коронавирустық инфекцияны емдеу үшін өте аз препараттар қажет. Антибиотиктер аурудың алғашқы күндерінде зиян келтіреді. Олар, керісінше, иммунитетті төмендетеді, аллергиялық реакцияларды тудыруы мүмкін және вирустарға әсер етпейді", - деп атап өтті Локшин.
Ол аурудың алғашқы күнінде ең жақсы препарат аспирин екенін айтты. Мырыш, дәрумендер, D3 дәрумені - бәрі қажет. Локшин эмоцияларға берілмеуді, өзіңізге және жақындарыңызға мұқият болу керек екенін ескертті. Дәрігерлер күн сайын қоғам игілігі үшін еңбек ететінін атап өтті.
Ал Atameken Business телеарнасындағы "Сұхбат" бағдарламасында Вячеслав Локшин Қазақстанда және әлемде коронавирустың күрделене түсуіне түсініктеме бере отырып, елдегі карантинді жылдың соңына дейін ұзартуды ұсынды.
"Бақытымызға орай, ауру 70 пайызда аз симптомды немесе симптомсыз. Бірақ елдегі клиникаларға баратын 30, 20 немесе тіпті 10 пайыздың ағымы біздің медициналық қызметімізге тым үлкен болып шықты. Карантинді ұзарту өте дұрыс шара. Менің ойымша, ол жылдың соңына дейін ұзартылуы керек. Біз көптеген стадиондарды төсекпен толтыра аламыз. Бірақ бұл мәселені шешуге көмектеспейді. Бізде дәрігерлер онша көп емес, қаржылық ресурстар да... Пандемиямен тек карантиннің көмегімен күресуге болады", - деді профессор.