Қазақстанда докторантура бойынша мемлекеттік грант иегерлерінің тізімі жарияланды

Ұлттық тестілеу орталығы жоғары және жоғары оқу орнынан кейінгі білім беру ұйымдарында PhD докторларын даярлауға 2023-2024 жылдарға арналған мемлекеттік грант иегерлерінің тізімін жариялады. Бұл туралы Stan.kz ақпарат агенттігі хабарлайды. 

Фото: freepik.com

Грант иегерлерінің тізімі ұлттық тестілеу орталығының сайтында жарияланды.

Мемлекеттік білім беру тапсырысы бойынша және ақылы негізде докторантураға түсуге арналған конкурсқа қатысу үшін шекті балл – 75 балл.

2022 жылдан бастап докторантураға түсу үшін шет тілін білу туралы сертификатпен қатар ҚАЗТЕСТ жүйесі бойынша мемлекеттік тілді меңгергенін растайтын сертификат ұсыну қажет.