Соңғы жаңалықтар
Соңғы жаңалықтар

Қазақстанда дәрі-дәрмекпен үздіксіз қамту тапшылығы туындауы мүмкін - Депутат

Сенатор Динар Нөкетаева Премьер-Министрдің орынбасары Ералы Тоғжановтың атына депутаттық сауал жолдап, елімізде дәрілерді тіркеу механизмі күрделі екеніне назар аударды, деп хабарлайды Stan.kz ақпарат агенттігі.

Ол көптеген шектеулердің, сондай-ақ, препараттарды тіркеу кезіндегі қиындықтардың салдарынан дәрі-дәрмектердің көтерме және бөлшек саудасымен айналысатын бизнес нысандары шығынға батып отырғанын айтты. Депутаттың сөзіне қарағанда, олардың кейбірі банкрот болудың алдында тұр. Бұл жағдай халық тарапынан сұранысқа ие препараттардың, оның ішінде онкологиялық ауруларға, қант диабетіне, жоғары қан қысымына және басқа да сирек кездесетін дерттерге қажет дәрі-дәрмектердің тапшылығын тудыруы мүмкін.

Д.Нөкетаева қазіргі қолданыстағы заңнамада мемлекеттік тіркеуден өтпеген дәрі-дәрмектерді сатуға тыйым салынатынын атап өтті.

"Қазақстанда дәріні тіркеу мерзімі өте ұзақ уақыт алады. Осыны ескере отырып, тіркелмеген дәрілік заттарды елімізге әкелген жағдайда уәкілетті орган айқындайтын тәртіппен берілетін қорытындының, яғни рұқсат беру құжатының негізінде тіркеу жолдарын қарастыру қажет", - деді депутат.

Талқылау
Пікір
Қазір оқып жатыр
Çàãðóçêà...
Қазір оқып жатыр