Қазақстанда "7-20-25" бағдарламасының орнына жаңа ипотекалық бағдарлама іске қосылады
Индустрия және инфрақұрылымдық даму министрі Қайырбек Өскенбаев елімізде "7-20-25" бағдарламасына балама ретінде жаңа ипотекалық бағдарлама әзірленіп жатқанын мәлімдеді, деп хабарлайды Stan.kz ақпарат агенттігі.
Министрдің сөзінше, жақында "7-20-25" орнына әзірленіп жатқан жаңа ипотеккалық бағдарлама таныстырылады. Қазір бағдарлама шарттары заң жобасы негізінде қаралып жатыр.
"Ең бастысы, алғашқы жарна және қолжетімді ставка болуы керек. Қолдан келсе, біз бүкіл халық үшін мөлшерлемені 7 пайыздан асырмаймыз", – деді Өскенбаев үкімет кулуарында.
Бұған дейін 2022 жылдың соңында "7-20-25" ипотекалық бағдарламасы аяқталуы мүмкін екені хабарланған болатын. Өйткені бағдарламаны қаржыландыруға тартылған 1 трлн теңге аяқталуға жақын. 2022 жылғы 29 қыркүйектегі жағдай бойынша "7-20-25" бағдарламасын іске асыру аясында 701,5 млрд теңгеге 54 мың қарыз берілді.
Шымбұлақтан да үлкен жаңа Көкжайлау тау шаңғысы курорты салынады: Жоба алматылықтар үшін не береді
Дәл осы жобада жеке виллалардың салынбайтыны нормативтік құжатпен нақты бекітілуі қажет дейді Ержан Еркінбаев
"Әлемде мейірім барына сендіретін жандар": 2025 жылғы жан жылытар әрекеттер мен халықты тәнті еткен қазақстандықтар
Желі қолданушыларын тәнті еткен халық арасындағы қаһарман кейіпкерлердің әрекеттеріне шолу жасадық