“Жыл сайынғы дәстүр бойынша иммундау кампаниясы 1 қазаннан басталады. 2017-2018 эпидемия маусымына арнап бюджеттің 1 млрд 200 млн теңге қаржысына Ресейде шығарылған “Гриппол” вакцинасының 1 454 161 дозасы алынды. Оның құрамында В тұмауына, A(H3N2) және A(H1N1 ) маусымдық тұмауларына қарсы штамм антигендері бар”, – деп мәлімдейді ҚР Денсаулық сақтау министрлігінің Қоғамдық денсаулықты сақтау комитетінің баспасөз қызметі.

Қазақстанда тұмауға қарсы үш түрлі вакцина ресми тіркелген. Олар – “Ваксигрип” (Франция), “Инфлювак” (Нидерланды) және “Гриппол плюс” (Ресей). Тұмауға қарсы егу үшін осы үшеуінің кез келген біреуін қолдануға болады. “Мемлекеттік бюджет есебінен халықтың созылмалы өкпе, жүрек-қан тамыры ауруларымен ауыратын, иммунитет жетіспеушілігі бар балалар, медицина қызметкерлері, жүкті әйелдер сияқты мейлінше әлсіз тобына дәрі егіледі”, – дейді кеңсе баспасөз қызметіндегілер.

Мұнымен қатар, жұмыс берушілер мен тұрғындардың есебінен вакцина егіледі. Бүкіләлемдік денсаулық сақтау ұйымы тұмауға қарсы күресудің ең тиімді құралы тұмауға қарсы егу шараларын жүргізу екенін айтып отыр.

Жіберіп алмаңыз:

Ғалымдар күйзелісті ұйқысыздықпен емдеуге болатынын айтты

Таразда дәрігерлердің кесірінен 7 айлық сәби мүгедек болып қалған

ОҚО-дағы орталық мешітте Құран кітабы дәретхана қағазы ретінде пайдаланылып келген

Алматыда жасанды iPhone құрастырып сатып келген цех табылды (видео)

Талқылау