Қазақстан жұлдыздары Джеки Чанмен түскен суреттерін көрсетіп мақтанды (фото)
Әлемде миллиондаған жанкүйері бар атақты Джеки Чан Астанаға келіп, қазақстандықтармен кездесті. Бұл орайда Қазақстан жұлдыздары Джеки Чанмен түскен суреттерін жарыса жариялады.
Stan.kz назарларыңызға Қазақстан жұлдыздарының Джеки Чанмен түскен суреттер топтамасын ұсынады.
Джеки Чан қатысқан кешті танымал тележүргізушілер – Ләйлә Сұлтанқызы, Нұрлан Қоянбаев және Динара Сәтжан жүргізді.
Джеки Чан Нұрлан Қоянбаевтың «Түнгі студия» бағдарламасына сұхбат берді. Бағдарламаның эфирден қашан көрсетілетіні әзірге белгісіз.
Джекиді көрген Ләйлә Сұлтанқызының қуанышында шек жоқ.
Ал Қытай актерімен вальс билеген Динара Сәтжаннің төбесі көкке жетті.
Қыдырәлі Болманов болса Джекидің қолына домбыра ұстатқанына мәз болды.
Ал қазақ киносының жұлдызы Асылхан Төлепов бала күнгі кумирін көргеніне балаша қуанды.
Опера әншісі Майра Мұхамедқызы да мүмкіндікті қалт жібермей Джеки Чанмен суретке түсіп алды.
Ал жаңа туған сәбиімен үйде отырған Қарақат Әбілдина Джекимен кездесуге өзінің орнына шәкірттерін жіберді.
Жіберіп алмаңыз:
Омырауын ашып, қысқа көйлек киген Жәния Джуринская жанкүйерлерін шошытты (фото)
Малақай мен домбыра: Қазақстанда Джеки Чанға не сыйлады? (видео)
Джеки Чан мен Димаш сахнада ән шырқады
Ең танымал ағайынды жұлдыздар (фото)