Соңғы жаңалықтар
Соңғы жаңалықтар

Қазақстан Ресейді айналып өту арқылы мұнай тасымалдау флотын ұлғайтпақ

Қазақстанның "Қазтеңізкөлікфлоты" Каспий теңізі арқылы тасымалдау жұмыстарын қолға алу үшін салмағы сегіз мың тонна болатын екі мұнай танкерін сатып алмақ. Жоспар бойынша Әзірбайжан арқылы Ресейді айналып өтетін мұнай көлемін ұлғайтатын кемелер де алынуы қажет деп хабарлайды Stan.kz ақпарат агенттігі “Коммерсанть” порталына сілтеме жасап. 

Қазақстан Каспий құбыр консорциумы (КҚК) құбыр арқылы әлемдік нарыққа мұнай жеткізудің баламалы жолдарын іздей бастады. 2022 жылы жөндеу жұмыстары мен қадағалау органдарының шешімдеріне байланысты Новороссийск порты арқылы тасымалдау бірнеше рет тоқтатылған болатын. Осылайша жылдың қорытындысы бойынша шикізат айдау көлемі 52,2 млн тоннаны құрады.

Қазіргі уақытта компанияның иелігінде әрқайсысының дедвейті 12,4 мың тоннаны құрайтын Ақтау, Астана және Алматы танкерлері бар. 

Баку-Тбилиси-Джейхан (БТД) мұнай құбырының нұсқасы таңдалып, мұнай Каспий теңізі арқылы жеткізілуі тиіс. Әзірбайжан SOCAR компаниясымен 2023 жылға арналған келісімшарт аясында "Қазмұнайгаз" бұл арқылы Теңіз кенішінен 1,5 миллион тонна мұнай жеткізуді көздеп отыр. Наурызда жөнелтілім 20 мың тонна болса, сәуірде ол 125 мың тоннаға дейін өспек.

Аргус есептеулері бойынша, Ресейді айналып өтетін барлық ықтимал баламалы жолдарды ескере отырып, Қазақстан жылына 20-25 миллион тонна мұнай жеткізе алады. Мұнайды көп көлемде тасымалдауға құбырлар мен ауыстырып тиеу қуаттарының жетіспеушілігі, жылжымалы құрамның тапшылығы және шығындардың өсуі кедергі жасайды. 

Талқылау