Қасым-Жомарт Тоқаев УЕФА президенті Александр Чеферинмен кездесті
Фото: Ақорда
Қазақстан Президенті Қасым-Жомарт Тоқаев Астанада УЕФА президенті Александр Чеферинмен кездесу өткізді. Бұл туралы Stan.kz ақпарат агенттігі хабарлайды.
2025 жылғы 25 сәуірде, Қазақстан футболы күніне орай футбол басшысы елімізге арнайы ресми іс-сапармен келді.
Кездесу барысында елдегі футболды дамыту мәселелері, соның ішінде Қазақстанда ірі еуропалық турнир өткізу мүмкіндігі талқыланды.
Қасым-Жомарт Тоқаев Александр Чефериннің Қазақстандағы спортты дамытуға қосқан үлесін атап өтіп, оған II дәрежелі "Достық" орденін табыс етті. Бұл сапар – УЕФА басшысының Орталық Азияға жасаған алғашқы ресми сапары болды.
Бұған дейін, 2025 жылғы ақпанда Қазақстан футбол федерациясының президенті Марат Омаров Ньон қаласындағы УЕФА штаб-пәтерінде Александр Чеферинмен кездесіп, Қазақстанда халықаралық турнирлер өткізу мүмкіндігін талқылаған болатын.
Талқылау
"Шетелде билетсіз, қонақүйсіз далада қалдым": Қазақстандықтар авторлық тур сатып аламыз деп 2 млн теңгеге дейін қаражаттарынан қағылған
Олар 300 мың теңгеден 2 миллион теңгеге дейінгі ақшадан қағылды
"Бөлімше болыңыз, біздің команда": Алматыда косметика дүкенінің қате аудармасы жұрттың ашуын туғызды
Оқырмандардың бірі баспахананың да мұндай немқұрайлығына реніш білдірді