Қазақстан көшелерінде ЖИ бар камералар орнатылады: Жүйе адамдардың түрі мен көліктердің нөмірін анықтай алады
Қазақстанда қоғамдық орындарда тәулік бойы бақылау жүргізетін Ұлттық бейнебақылау жүйесін енгізу жоспарланып отыр. Бұл туралы Жасанды интеллект және цифрлық даму министрі Жаслан Мадиев мәлімдеді деп хабарлайды Stan.kz ақпарат агенттігі.
Жаслан Мадиев дүйсенбі күні өткен тұрақты даму мақсаттарын іске асыру барысын бақылау жөніндегі парламенттік комиссияның XI отырысында сөз сөйледі. Ол өз баяндамасында цифрлық трансформацияның елдің тұрақты дамуына қосатын үлесі туралы сөз қозғады.
"Болашақта жасанды интеллект технологияларын қолдана отырып, қоғамдық кеңістіктерді тәулік бойы бақылайтын Ұлттық бейнебақылау жүйесін енгізу жоспарланып отыр. Жүйе адамдардың бет-бейнесін, көлік нөмірлерін автоматты түрде танып, төбелес, адамдардың көп жиналуы немесе қараусыз қалған заттар сияқты күдікті жағдайларды анықтай алады", – деді министр.
Оның айтуынша, мұндай технологиялар қоғамдық қауіпсіздік деңгейін айтарлықтай арттырып, құқық қорғау органдарының әрекет ету тиімділігін күшейтеді.
Анасын мәжілісте құттықтаған Назаров, жалған ақпарат берген министр Жұманғарин: 2025 жылы басы дауға қалған шенеуніктер
Stan.kz тілшісі орынсыз әрекеттерімен және ерекше мәлімдемелерімен көптің шамына тиген шенеуніктердің тізімін жасады.
Әуежайда әйелдің өмірін сақтап қалған Мұса Әбдірайым – “Жыл адамы 2025” атанды
Дауыс жинаған жандардың қатарында: Мейірман Шекеев, Гүлмира Мұханқызы, Турсен Алагөзов, Темірлан Анарбеков, Ұлдана Мырзуан болды