Қазақстан азаматы: Ресейде тұруға ықтиярхатынан айырылған журналист ұсталды

Ресейлік Properm.ru басылымының журналисі, Қазақстан азаматы Владислав Иваненко Пермьде ұсталды. Бұл туралы Stan.kz ақпарат агенттігі хабарлайды.

Владислав Иваненко шетелдік азаматтарды уақытша ұстау орталығына жеткізілді. Бұған дейін ол Ресей ІІМ-нің Пермь өлкесі бойынша бас басқармасынан тұруға ықтиярхатының күші жойылғаны туралы хабарлама алған. Тұтқындаудың басты себебі ықтиярхат болуы мүмкін.

Алайда қазірге Қазақстан азаматының нақты қандай себеппен ұсталғаны айтылмады.