Қазіргі таңда Қазақстан екі елдің байланыс ведомстволары арасында жасалған 2006 жылғы 17 маусымдағы "+7-дүниежүзілік нөмірлеу аймағында нөмірлеуді қолдану туралы" келісімге сәйкес Ресеймен бірге +7 интеграцияланған халықаралық кодын пайдалануда.

2021 жылы жеке код алу үшін Қазақстан +997 халықаралық телефон кодын сақтап қойды.

"Байланыс операторларымен жаңа кодекске көшу мәселесін талқылау барысында жаңа кодекске көшудің мүмкін болатыны, бірақ бірқатар қаржылық және технологиялық проблемаларды туғызатыны айтылды.

Сонымен қатар отандық байланыс операторларының барлық абоненттері мемлекеттік және банктік қызметтерді, әлеуметтік желілерді және әртүрлі қосымшаларды алуға арналған барлық қызметтердегі деректерін жаңартуы қажет. Тиісінше, өтпелі кезеңде сәтсіздіктер мен келеңсіз тәжірибелердің болу ықтималдығы жоғары", - деді министрлік.

Министрлік Халықаралық электр байланыс одағымен қайта келіссөз жүргізді. Нәтижесінде біз +7 халықаралық кодын өзгеріссіз қалдыруды ұйғардық.

"Осыған байланысты Ресейдің цифрлық даму, коммуникациялар және бұқаралық коммуникациялар министрлігі екі елдің үкіметтері арасында +7 аймақтық дүниежүзілік нөмірлеуді қолдану туралы жаңа келісім жасау мәселесі пысықталды. Қазіргі таңда мемлекеттік органдар мен мүдделі тараптармен келісілген. Мақұлдау қорытындысы бойынша жоба дипломатиялық арналар арқылы Ресей Федерациясына жіберілді", - деді министрлік.

Қазіргі уақытта Ресей Федерациясы тарапынан қайталама ішкі мемлекеттік мақұлдау рәсімдері жүргізіліп жатқаны айтылды. Одан әрі жобаны мақұлдау туралы Ресей Федерациясынан нота алғаннан кейін келісімге қол қою және қабылдау жұмыстары жүргізіледі.

Талқылау