Қазақша көйлек киген Мақпал Исабекова желі оқырмандарын тәнті етті
Ашық көйлектер киіп, стилі мен образын жиі ауыстыратын Мақпал Исабекова үнемі сынға ұшырайды. Дауға себеп көп. Бірде Мақпалдың су киімімен суретке түсіп, желіде жариялауы екіжақты пікір тудырса, екіншіде әншінің Snapchat қосымшасы арқылы бет-әлпетіне иттің бейнесін жиі қоюы сын туғызады. Бұл жолы Исабекова қазақы нақыштағы ою-өрнектермен көмкерілген көйлек киіп, желі оқырмандарын таңқалдырды.
Мақпалдан мұны күтпесе керек-ті, тыңдармандары түрлі пікірлерін «жаудырды». Олардың көпшілігі Мақпалға жаңа образының жарасып тұрғанын айтып, сахнаға жиі осындай күйде шығуға кеңес берді.
«Өте әдемі, қарап көз тоймайды», «Мынадай образ керемет жарасады екен», «Қазақтың қара көзді әдемі қызысың, осылай қарапайымдылық жарасады. Өмірдің ағымы болған соң дұрыс қой, өзіңді өзгертіп тұрасың. Бірақ қазақы болған тіпті жарасады екен», «Ұлттық киім қандай тамаша», «Ашық-шашықтан гөрі осылай киінген қандай әсерлі», – деп пікір білдірді олар.
Жіберіп алмаңыз:
Әріптестері Мейрамбек Беспаевты қырық жасқа толған туған күнімен құттықтауда (фото, видео)
Әлішер Кәрімов өзін ваннада кімнің суретке түсіргенін айтып берді
Сыйлыққа берілген күрте: Қайрат Нұртастың әрекеті жұрттың жүрегін елжіретті (видео)