"Қазақмыс" шахтасында коронавирус жұқтырғандардың саны 4 есеге өсті
Қарағанды облысындағы Нұрқазған кенішінде коронавирус жұқтырғандар саны 133-ке жетті. Науқастардың бірі Жезқазғанға отбасылық іс-шараға барған, деп хабарлайды Stan.kz ақпарат агенттігі.
"Қазақмыс", "Нұрқазған" корпорацияларының жұмысшыларының арасында коронавирус инфекциясының 133 жағдайы тіркелді. Бұл компанияның қызметкерлері Теміртауда - 54, Қарағандыда - 65, Бұқар жырау ауданында - 14 адам тұрады. Барлығы 1515 байланыс бар, олардың 242-сі жақын", - деді Қарағанды облысының бас санитарлық дәрігері Қанат Асқаров.
Ол 1 маусымға дейін жұмысын тоқтатылып, "Нұрқазғанда" карантин жариялады.
"Нұрқазғанның" вирус жұқтырған қызметкері Жезқазған қаласында 13 - 17 мамыр аралығында болып, туыстарымен байланыста болған, бұл отбасылық шара болды. Туыстарының арасында 17 адам ауруханаға жақын байланыста болған адамдар ретінде жатқызылды, соның ішінде 9 адамда катаральды құбылыс бар. Сынақтар алынды", - деді ол.
Естеріңізге сала кетейік, шахтада алғашқы инфекция 6 мамырда тіркелген. Осыдан кейін компания басшылығы бүкіл жұмыс күші үшін ПТР талдауға бастамашы болды.
21 мамырда 35 жағдай анықталды.
