"Қазақалтын" кенішінен 122 миллион теңгенің алтыны ұрланды
Ақмола облысында «Қазақалтын» кенішінен 122 миллион теңгенің алтыны ұрланды, деп хабарлайды Stan.kz ақпарат агенттігі.
Ақмола полициясының қызметкерлері 2 наурызға қараған түні болған ММС «Қазақалтын» АҚ-қа тиесілі алтынды ұрлау бойынша қылмыстық істі тергеп жатыр. Қылмыстық іс-әрекеттердің нәтижесінде кәсіпорынға 122 миллион теңге көлемінде аса ірі шығын келтірілді», - деп хабарлады облыстық полиция департаментінде.
Бұл факт бойынша тәртіп сақшылары Қазақстан Республикасы Қылмыстық кодексінің 188-бабы 4-бөлігі «Ұрлық» бабы бойынша сотқа дейінгі іс жүргізуді бастады.
Қазіргі уақытта зиянкестерді анықтауға бағытталған процедуралық шаралар кешені жүргізілуде.
Ақмола облысы полиция департаментінің баспасөз қызметі криминалдық полиция мен тергеудің тәжірибелі қызметкерлерінің арасынан осы қылмысты жасауға қатысқан адамдарды анықтау үшін арнайы тергеу-жедел тобы құрылғанын хабарлады.
Тергеу мүдделеріне қатысты басқа ақпарат жария етілмейді.
