Қазақ тілін жетік меңгерген жапониялықтар көпшілікті тәнті етті (видео)

Әлеуметтік желіде отандық блогер Қайрат Мұқышевтың V Дүниежүзілік көшпенділер ойындарына турист ретінде келген жапониялықтармен сұхбаты тарады. Жапониядан келген ерлі-зайыпты қазақ тілінде еркін сұхбат берді. Бұл туралы Stan.kz ақпарат агенттігі хабарлайды. 

Фото: Видеодан скрин

Отандық блогер жәрмеңке аралап жүріп, саудаласып тұрған ер адам мен әйелге қарап, оларды Қытайдан немесе Вьетнамнан келді деп топшылады. Алайда турист өзінің Жапониядан келгенін айтып, блогерді таңғалдырды.

Жапониялық ерлі-зайыптының 10 жыл бұрын біршама уақыт Алматыда тұрғаны белгілі болды. Сол кезде қазақ тілін өздері үйренген.

• "Неліктен "қыргүйек" деп жазып жүрміз": Қазақстандық әйел баласының "Қазақ тілі" оқулығындағы сөз қате жазылғанына шағымданды (видео)

• "Ойбай, қиын болмады ма": Қазақша еркін сөйлейтін Франция азаматы жұртты таңғалдырды (видео)

“Этноауыл ашылғалы осындамыз. Бізге барлығы ұнап жатыр. Осыдан 10 жыл бұрын Алматыда тұрдық, сол кезде аздап қазақ тілін үйрендік. Қазір Жапонияда тұрамыз”, – деді келіншек.

Ол жанындағы күйеуін таныстырып, V Дүниежүзілік көшпенділер ойынына орай келгенін айтты. Айтуынша, Астанада өтіп жатқан сайыстың ұйымдастырылуы көңілінен шыққан.

 

 

 

 

Посмотреть эту публикацию в Instagram

 

 

 

 

 

 

 

 

 

 

 

Публикация от Stan.kz ақпарат агенттігі (@_stan.kz)