Қайрат Сатыбалдының анасы Светлана Назарбаева өмірден өтті
Нұрсұлтан Назарбаевтың жиені Қайрат Сатыбалдыұлының анасы Светлана Мырзахметқызы дүниеден озды. Бұл туралы Stan.kz ақпарат агенттігі хабарлайды.
Фото: Yedilov online
Светлана Мырзахметқызы Назарбаева ұстаз болып қызмет еткен. Сондай-ақ "Дәуір" баспасының бас директоры. Ол Қайрат Сатыбалдыұлының анасы. "Дәуір" мемлекеттік сатып алулар веб-сайтындағы байқауларға үнемі қатысып, осы байқауларда ұдайы жеңіске жетеді. Тек 2022 жылдың өзінде компания 100 миллион теңгеден астам сомаға келісімшарт жасасқан. Бұл баспаның тұрақты тапсырыс берушілері – Мәдениет министрлігі, "Бөбек" республикалық мемлекеттік кәсіпорны және Оқу-ағарту министрлігі жанындағы Тіл саясаты комитеті. Көбіне тапсырыс берушілер бәсекелестікті айналып өтіп, тікелей Дәуірге келісімшарт жібереді.
- "Шығынды толық өтеді": Қайрат Сатыбалдының жазасы жеңілдетіліп, бас бостандығын шектеуге ауыстырылды
Сонымен қатар Светлана Назарбаева – жылжымайтын мүлікті жалға берумен айналысатын "Интердизайн-АС" астаналық компаниясының иесі.
Қайрат Сатыбалдыұлы – Қазақстанның тұңғыш президенті Нұрсұлтан Назарбаевтың жиені.
Айта кетейік, 2023 жылдың 13 қарашасында Қазақстанның экс-президенті Нұрсұлтан Назарбаевтың туған інісі – Болат Әбішұлы қайтыс болды. Болат Әбішұлы 1953 жылы 23 наурызда Алматы облысы Қарасай ауданы Шамалған ауылында дүниеге келген. Оны халық әуелі Қазақстанның тұңғыш перзиденті – Нұрсұлтан Назарбаевтың туған інісі деп біледі.
Бұған дейін Болат Назарбаевтың мұрасын бөлу басталғанын және оған кімдер таласатыны туралы жазған едік.