"Қайрат" әзербайжандық "Қарабақтан" жеңілді
Қазақстандық "Қайрат" Еуропа Конференциялар лигасының кезекті ойынында жеңіліске ұшырады. Сырт алаңда Әзербайжанның "Қарабақ" командасына қонаққа барған алматылықтар 2:1 есебімен алаң иелеріне жол берді, деп хабарлайды Stan.kz ақпарат агенттігі.
Алғашқы голды "Қайрат" сапында ойнайтын Хосе Канте соқты. Ол ойынның 19-шы минутында пенальти орындап, командасын алға шығарған еді.
Алматылықтар еуропалық жарыстардың топтық кезеңіндегі алғашқы жеңісіне қол жеткізуге өте жақын болды, алайда қақпаларын голдан ұзақ уақыт қорғап тұрап алмады. Рамиль Шейдаев 79-шы минутта есепті теңестірсе, қосымша уақытта Аббас Гусейнов Стас Покатилов қорғаған қақпадан саңылау тауып, "Қарабаққа" жеңіс сыйлады.
- Криштиану Роналду Чемпиондар лигасында рекорд орнатты
- "Барыс" пен "Динамо" арасындағы матчта жанкүйер жарақат алды
Бұл жеңіліс алматылық клуб үшін конференциялар лигасында екінші жеңіліс.
Бұған дейін болған алғашқы ойында "Қайрат" Грекиялық "Омониямен" тең ойнаса (0:0), одан кейін "Базельге" жеңілді (4:2).
Н тобында "Қайрат" өткізген 3 ойында 1 ұпай жинап, үшінші орында тұр. Ал "Қарабақ" 7 ұпаймен топтың көшбасына шықты.
Конференциялар лигасында "Қайрат" 4 қараша күні өз алаңында "Қарабақпен" қарымта ойында кездеседі.
Айта кетейік, алматылықтар ҚПЛ турнирінің соңғы ойыны аясында 24 қазан күні "Астана" командасын қабылдайды.