"Қайрат" академиясының түлегі испан клубына ауысады
"Қайрат" академиясының түлегі Алдияр Нұрғали мансабын Испанияда жалғастыруы мүмкін. Бұл туралы Stan.kz ақпарат агенттігі Asnews.kz сайтына сілтеме жасап хабарлайды.
17 жастағы қазақстандық шабуылшы жуырда испаниялық "Леванте" клубының жүйесіндегі қосалқы құраммен келісімшартқа отырады деп күтілуде.
Бұл келісім жас футболшы үшін еуропалық футболдағы алғашқы маңызды қадам болмақ.
Алдияр Нұрғали негізінен шабуылшы ретінде өнер көрсетеді, алайда қажет жағдайда шабуылдаушы жартылай қорғаушы позициясында да ойнай алады. Ол Қазақстанның U-19 сапында Еуро-2026 турнирінің элиталық іріктеу кезеңіне жолдама алған. Алдағы уақытта Украина, Румыния және Солтүстік Ирландиямен бір топта сынға түседі.
Айта кетейік, қазіргі уақытта "Леванте" сапында Қазақстаннан шыққан тағы бір футболшы – павлодарлық Шыңғыс Қалиев доп теуіп жүр. Екі ойыншы да Алматыдағы "Қайрат" академиясында тәрбиеленген.
"Аяғыма оқ тиіп, кестіруге мәжбүр болдым": Сынаққа сынбаған Паралимпиада чепионы Ербол Хамитов жайлы не білеміз?
Ербол Хамитов Қазақстан тарихында Паралимпиада ойындарында топ жарған алғашқы спортшы атанды
"Авиаотын бағасын көтеріп, қауіпсіздік талабын орындамау": Қазақстандық әуежайларға неге жаппай айыппұл салынды
Көптеген әуежай авиаотынды монополиялық жоғары бағада сату арқылы миллиондаған табыс тапқан