Жауын-шашын күтіледі: Елімізде алдағы күндері ауа райы қандай болады?

Қазгидромет алдағы күндердегі ауа райы болжамын жариялады, деп хабарлайды Stan.kz ақпарат агенттігі. 

Қазгидрометтің хабарлауынша, 5-6 сәуірде Қазақстанның батыс және оңтүстік өңірлерінде жаңбыр, оңтүстік-шығыстың таулы аймақтарында жауын-шашын, ал оңтүстігінде, оңтүстік-шығысында нөсер жауын-шашын (жаңбыр, қар) күтіледі.

“Таймыр аудандарынан жылжыған солтүстік циклонның әсерінен 6 сәуірде Қазақстанның солтүстік-батысында, солтүстігінде жаңбыр жауады деп күтілуде. Республика бойынша жел күшейеді, оңтүстік аймақтарында шаңды дауыл мен найзағай, оңтүстік-шығыстың таулы аймақтарында тұман түседі", – делінген Қазгидромет хабарламасында.