Кәсіпкерлікті қолдау бойынша Ақтөбе өңіріндегі оң өзгерістер
Президенттің әрбір Жолдауы-Отанымыздың жан-жақты дамуына жаңа серпін берді. Қасым-Жомарт Кемелұлының өзі атап өткендей, өткен Жолдаулардағы бастамалардың көпшілігі сәтті жүзеге асырылды. Осы елеулі өзгерістердің барлығын еліміздің, өңіріміздің әрбір азаматы жүрекпен сезінді деп ойлаймын.
Мемлекет басшысы кәсіпкерлік саласын дамытуға ерекше тоқталды. Бұл жолы туризм саласын да атап өтті.
Еліміздің туристік әлеуетінің жаһандық туризмнен еш айырмашылығы жоқ.
Президент атап өткендей, бұл маңызды салада әлі де елеулі өзгерістер жоқ. Бұл жағынан өзгелерден кеш келе жатырмыз. Туризм мемлекет тарапынан көбірек назар аударуды талап етеді. Мемлекет басшысы шетелдік инвесторларды тарту, ірі жобаларды іске асыру сияқты бірқатар міндеттерді қойды. Бұл ретте жергілікті бизнесті, кадрлар мен шикізатты тарту қажеттілігі негізге алынды. Өткен қателіктерді болдырмау үшін Президент қолдаудың тиімді шаралары мен іске асырудың нақты мерзімдерін анықтауды тапсырды.
Айта кету керек, бүгінде туризм экономика үшін де, кәсіпкерлер үшін де перспективалы салалардың бірі болып отыр. Бүгінгі таңда біздің өңір үшін бұл сала әлі жас болса да, бізде бай табиғи әлеует бар. Президент қойған міндеттерді шешу үшін біз осы бағыттағы уәкілетті орган ретінде Ақтөбе облысының туризм әлеуетін жаңа деңгейге шығару бойынша жаңа қадамдар әзірлейміз.
Жолдауда Президент орта кәсіпкерлікті дамыту мәселесін де қозғады. Қасым-Жомарт Кемелұлы атап өткендей, соңғы жылдары қабылданған шаралар шағын және ірі бизнестің тұрақты өсуін қамтамасыз етті. Бірақ орта кәсіпкерлік сегменті толық дамымаған күйінде қалып отыр. Мемлекет басшысы бизнесті жан-жақты қолдауды іске асыруды жалғастыруды, сондай-ақ әрбір жоба бойынша мүмкіндіктерді ұлғайтуға және өндірісті екі-үш есеге кеңейтуге бағытталған нақты жоспар құруды тапсырды. Бұдан басқа, "Бизнестің жол картасы" және "Қарапайым заттар экономикасы" сияқты бағдарламалар шағын және орта кәсіпкерлікті қолдаудың кешенді бағдарламасына біріктіріледі.
Біздің облыс үшін соңғы екі жыл кәсіпкерлікті дамытуда да табысты болды. Қолда бар мемлекеттік бағдарламалардың, оның ішінде "Ауыл аманаты" жаңа жобасының арқасында өңірдегі шағын бизнес санының айтарлықтай өсуі байқалды.
Айта кету керек, кез келген қызмет көрсету саласында кемшіліктер бар. Бұл халықпен, кәсіпкерлермен кезең-кезеңімен және тығыз бірлескен жұмыс болған соң алдыға шыға береді.
Біздің алдымызда орасан зор жұмыс, нақты міндеттер қойылған. Біздің мақсатымыз-мемлекетіміздің, өңіріміздің игілігі үшін барлық мүмкін күш-жігерді жұмсау, ал ел азаматтары ортақ іске жәрдемдесу қажет.