Қасым-Жомарт Тоқаев Жоғары сот кеңесінің хатшысын тағайындады
Мемлекет басшысының өкімімен Дәурен Болатұлы Мұратбеков Қазақстан Республикасы Жоғары сот кеңесінің хатшысы – аппарат басшысы лауазымына тағайындалды. Бұл туралы Stan.kz ақпарат агенттігі хабарлайды.
Фото: sud.gov.kz
2024 жылғы 9 ақпан күні президент Қасым-Жомарт Тоқаев бұйрыққа қол қойды.
“Мемлекет басшысының өкімімен Дәурен Болатұлы Мұратбеков Қазақстан Республикасы Жоғары сот кеңесінің хатшысы – аппарат басшысы лауазымына тағайындалды”, – деп жазылған ресми құжатта.
Айта кетейік, бұған дейін бұл қызметті 2015 жылдан бері Ануар Сабыров атқарған еді. Қаңтар айының басында ол қызметтен кетті.
Еске салайық, 2024 жылы 6 ақпанда президент Тоқаев мәжілісте сөйлеген сөзінде премьер-министр қызметіне Олжас Бектеновтің кандидатурасын ұсынды. Бектеновтің кандидатурасын 69 мәжілісмен қолдаса, 7 депутат дауыс беруден қалыс қалды. Осылайша Олжас Бектенов Қазақстанның 12-премьер-министрі болып тағайындалды. Тиісті жарлыққа президент Қасым-Жомарт Тоқаев қол қойды.