Шығын 167 милллион теңге: Қаржы пирамидасын басқарды деп айыпталған қазақстандық әйел Армениядан экстрадицияланды
Бас прокуратура және ішкі істер министрлігінің Интерпол қызметкерлері Қазақстанның Армениядағы елшілігінің көмегімен қаржы пирамидасын басқарған адамды елге экстрадициялады. Бұл туралы Stan.kz ақпарат агенттігі хабарлайды.
Фото: Бас прокуратура
2019-2021 жылдар аралығында күдікті әйел Қостанай облысындағы "Finiko" қаржы пирамидасының құрылымдық бөлімшесін басқарған. Нәтижесінде 40-қа жуық адам алданыпты, келтірілген залал 167 миллион теңгеден асады.
Қылмыстық топқа қатыстылардың бір бөлігінің бұған дейін соттылығы болған. Қылмыс жасалғаннан кейін күдікті Арменияда жасырыныпты. Десе де, ол сол елде ұсталды.
Қазір күдікті Ақтау тергеу изоляторына қамауға алынды.
Егер қылмысы дәлелденсе, 7 жылға дейінгі мерзімге белгілі бір қызметпен айналысу құқығынан айырыла отырып, мүлкі тәркіленіп, 5 жылдан 12 жылға дейінгі мерзімге бас бостандығынан айырылмақ.
Еске салсақ, бұған дейін Қостанай облысында Qnet қаржы пирамидасының басшысы алты жылға сотталған еді.
"Мәйітін алып келуге 2 апта кетеді": Вьетнамға қызымен демалуға барған қазақстандық әйел көз жұмды
Турагенттіктің айтуынша, ертесі оған әйелдің қызы хабарласып, анасының көзін ашпай жатқанын айтқан
"Семіз екенімізді білеміз, айта берудің қажеті жоқ": Қазақстандықтар қоғамда толық адамдарға ашық қысым көрсетілетініне шағымданды
Алматылық: “Мә, қайда өсіп бара жатсың, дәу боп кеткенсің ғой” деу қаншалықты орынды?"