Кәрім Мәсімовтің інісінің ісі бойынша жаңа мәліметтер белгілі болды

Марат Ахметжанов Павлодар облысының полиция департаменті басшыларының ісіне қатысты жаңа мәліметтермен бөлісті, деп хабарлайды Stan.kz ақпарат агенттігі. 

“Павлодар облысында бюджет қаражатын жымқырды деген күдікке ілінген бұрынғы ішкі істер департаментінің бастығы мен оның орынбасары қатысты іс қозғалды. Тергеудің пікірінше, олар сатып алынған материалдық-техникалық құралдардың көлемін асыра бағалаған. Бұл бақылаусыздық полиция департаментіне, атап айтқанда, жалпы ішкі істер органдарының имиджіне нұқсан келтірді", - деді министр.

• "Мұны біреулер бизнеске айналдырған": Алматылық прокурор Қазақстанға заңсыз кірген Ауғанстан азаматтарын анықтады


• Назарбаевтың отбасынан Forbes Kazakhstan – 2022 тізіміне кіргендер

Сонымен қатар, ол жоғары лауазымды тұлғалармен сөз байласу арқылы полицияға құрал-жабдық жеткізіп, қылмыстық қудалау орбитасына шығып, сот санкциясымен қамауға алынған кәсіпкерлер туралы да айтты. Қазір тергеу жүріп жатыр. Ол сыбайлас жемқорлық фактілері республиканың басқа өңірлерінде де анықталғанын айтты.

Ағымдағы жылдың сәуір айының басында сыбайлас жемқорлыққа қарсы қызмет Павлодар облысы бойынша ПД бастығының орынбасарының ұсталғанын хабарлады. Сотқа дейінгі тергеп-тексеру ҚР Қылмыстық кодексінің 189-бабының 4-бөлігі (Басқаның сеніп тапсырылған бөтеннің мүлкін иемденіп алу немесе иемдену) бойынша жүргізілуде. Осы бап бойынша кінәлілер 7 жылдан 12 жылға дейін бас бостандығынан айырылуы мүмкін.

Айта кетейік, Кәрім Мәсімовтің інісі Нұрлан Мәсімовке іздеу жарияланды.