AAPL
143.78 $
2.32 %
TSLA
707.73 $
7.43 %
NDAQ
150.93 $
2.33 %
GOOGL
2155.85 $
1.88 %
FRHC
41.25 $
2.79 %
AAPL
143.78 $
2.32 %
TSLA
707.73 $
7.43 %
NDAQ
150.93 $
2.33 %
GOOGL
2155.85 $
1.88 %
FRHC
41.25 $
2.79 %
Соңғы жаңалықтар
Соңғы жаңалықтар

Қарашада магистратураға құжат қабылдау басталады

Биыл 1 қарашада магистратураға түсу үшін екінші мәрте өткізілетін кешенді тестілеуге құжат қабылдау басталады, деп хабарлайды Stan.kz ақпарат агенттігі. 

Естеріңізге сала кетейік, бұған дейін Білім және ғылым министрі Асхат Аймағамбетов әлеуметтік желідегі парақшаларында магистратура мен докторантураға түсу бойынша қабылданған шешім туралы хабарлады. Енді оқуға қабылдау жылына екі рет өткізіледі. Байқауға жазда грантқа түсе алмаған үміткерлер де, бұрын кешенді тестілеуден өтпегендер де қатыса алады.

"Бұған дейін білім министрі Асхат Аймағамбетов мемлекеттік грантқа үміткерлер жылына екі рет, дәстүрлі түрде – жазда және қосымша қыста тестілеуден өте алатынын хабарлаған еді. Енді талапкерлер 1 қарашадан бастап магистратураға түсу үшін екінші мәрте өткізілетін кешенді тестілеуге құжат тапсыра алады. Тестілеуді сәтті тапсырған жағдайда үміткерлер жаз айында оқуға қабылдау қорытындысы бойынша бөлінген гранттарды ұтып ала алады", - деді білім және ғылым вице-министрі Қуаныш Ерғалиев.

Екінші кешенді тестілеуге қатысу үшін БҒМ Ұлттық тестілеу орталығының app.testcenter.kz сайтында тіркелу қажет. Құжат 1-15 қараша аралығында қабылданады. Кешенді тестілеу 18 қараша мен 11 желтоқсан аралығында өтеді. 

Магистратура грантына үміткерлер дәстүрлі түрде шет тілі, білім беру бағдарламалары тобының бейіні бойынша және оқуға дайындығын анықтау бойынша тест тапсырады. Шет тілін меңгергенін растайтын халықаралық сертификаты бар адамдар автоматты түрде шет тілі бойынша тестілеуден босатылады.

Магистратураға білім гранттарын тағайындау конкурсына құжаттар 25 желтоқсанға дейін қабылданады. Магистратураға қабылдау 26 желтоқсан мен 10 қаңтар аралығында өтеді.

Мемлекеттік білім беру тапсырысы бойынша және ақылы негізде ғылыми-педагогикалық магистратураға түсу үшін шекті балл – 75, бейінді магистратура үшін 50 балды құрайды

Мамандықтар бөлінісінде ең көп грант "Химия" (172 грант), "Ветеринария" (169), "Механика және металл өңдеу" (156), "Металлургиялық инженерия" (137), "Құрылыс материалдарын, бұйымдарын мен конструкцияларын өндіру" (132 грант), "Материалтану және жаңа материалдар технологиясы" (130) және басқа мамандықтар бойынша бөлінді.

Магистратураға түсушілер барлығы 3 мыңнан астам мемлекеттік білім грантына үміткер бола алады. 

Талқылау
Пікір
Қазір оқып жатыр
Қазір оқып жатыр