Карантинге жабылған "Кешью" тобының директоры аштық жариялады
«Кешью» тобының директоры Назым Басқынбаева аштық жариялады. Оны дәрігерлердің бақылауындағы карантинге жіберіп, тест нәтижелері тіпті хабарланбайды, деп хабарлайды Stan.kz.
"Біз 3 анализ өткіздік, нәтижесі теріс болған жағдайда бізді үйге жіберу керек еді, алайда олар бізден 5 анализ алды, бірақ ешкім биоматериалды қабылдау қарқындылығының жиілігі немен байланысты екенін түсіндірмеді. Осы уақытқа дейін мен бірде-бір қағаз немесе куәлік көрмедім. "Біздің рейстегі жолаушылардың бірінде коронавирус табылса ше?", - деген күмән туындайды деп Назым өзінің Facebook-тегі парақшасында жазды.
Назым медициналық мекемедегі жағдайларын жақсартуды сұрайды: жуынатын бөлмені жөндеуді, палатада күнделікті дымқыл тазалауды қамтамасыз етуді және кірді жууға мүмкіндік беруді сұрайды.
"Мен тамақ туралы және кез-келген жайлылық туралы емес, тазалық пен гигиена туралы айтып отырмын", - деп өз ойын түсіндірді Назым.
Назым Басқынбаева Жапониядан Diamond Princess лайнерінен эвакуацияланған төрт қазақстандықпен бірге ұшып келген. Келгендердің барлығы (20 адам) 14 күнге карантинге жіберілді. Енді Назым үшінші тұлғалардың кінәсінен уақытша еңбекке жарамсыздық туралы анықтама беруді талап етеді.
Еске сала кетейік, бұған дейін Денсаулық сақтау министрлігі аталмыш рейстің жолаушылары мен экипажынан кешірім сұраған болатын.