Бұдан бұрын, Қарағанды облысында екі оқушы “гепатит А” диагнозымен ауруханаға жатқызылғаны хабарланған еді. Қазір балалар дәрігерлердің мұқият қарауында.

“Қазір 24 адамның дертке шалдыққаны анықталды, олар облыстық жұқпалы аурулар ауруханасында жатыр. Бұл Шет, Бұхар Жырау аудандарының, Сарань, Абай қалаларының тұрғындары. Қарағанды қаласының өзінде де науқастар бар, олардың саны он тоғыз: сегіз ересек адам және он екі оқушы. Теміртауда сары ауруға шалдыққан алты адам тіркелді”, — деді Бекшин орталық коммуникациялар қызметіндегі брифингте.

Оның түсіндіруінше, ауру тұрмыстық жағдайда бір адамнан екінші адамға жұққан болуы мүмкін.

“Дерт қысқы каникулдан кейін белең ала бастады, көптеген балалар еліміздің түпкір-түпкірінде болып қайтты, жеке және қоғамдық гигиенаны сақтамай, сапасыз азық-түлік пайдалану салдарынан, бәлкім шетелге сапар кезінде жұқтыруы мүмкін”, — дейді бас санитарлық дәрігер.

Дегенмен, оның айтуынша, Шығыс Қазақстан мен Қарағанды облыстарында сары аурудың таралуының өзара байланысы жоқ.

Тағы оқыңыз:

Қазақстанда биыл жанармай тапшылығы болмайды

Енді теміржол билеттерін жеңілдікпен сатып алуға болады

Атырау облысында дән тиелген бес вагон аударылып қалды

Отбасы 16 шаршы метрге бірнеше бөлмелі үй салып алған (фото)

Талқылау