Қарағандыдағы саябақтардың бірінде баланың үстіне электр бағаны құлап кетті
Қарағандыда саябақта велосипедпен кетіп бара жатқанда 10 жасар баланың үстіне электр бағаны құлап кетті, деп хабарлайды Stan.kz ақпарат агенттігі.
Оқиға 3 маусымда сағат 12:35-те болған.
"Салдарынан кәмелетке толмаған бала ауруханаға жеткізілді. Аталған фактіні полиция тіркеді. Қазіргі уақытта оқиғаның мән-жайы анықталып жатыр", - деді Қарағанды облысы ПД баспасөз қызметі.
Балаға "жабық бас сүйек-ми жарақаты", "мидың шайқалуы", "төбесінде ісу, көгеру түріндегі жарақат" диагнозы қойылды. Бала амбулаториялық емделу үшін үйіне босатылды.
Талқылау
Пікір