Қарағандыда жоғалып кеткен әйелдің мәйіті табылды
Қарағандыда 27 наурызда таңертең пышақ жарақаттарын алған 27 жастағы қала тұрғынының мәйіті табылды, деп хабарлайды Stan.kz ақпарат агенттігі.
27 жастағы Анастасия Шевякова 5 наурызда жоғалып кетіп, одан бері хат-хабар болмаған.
Аталған фактіға қатысты Қазақстан Республикасы Қылмыстық кодексінің 99-бабының 1-бөлігі "Адам өлтіру" бабы бойынша сотқа дейінгі тергеу басталды.
Жедел іздестіру іс-шаралары барысында криминалдық полиция қызметкерлері 26 жастағы күдіктіні анықтап ұстады. Күдікті 5 наурыз күні жанжал кезінде әйелге пышақпен дене жарақатын салып, қылмысын жасыру мақсатында мәйітті көміп кеткенін мойындады.
Күдікті уақытша ұстау абақтысында.
Талқылау
Пікір