Қарағандыда полицейден ақша бопсалаған блогер сотталды
Қарағандыдағы Қазыбек би аудандық соты полицейден 150 мың теңге бопсалаған екі ер адамға қатысты үкім шығарды. Қылмыскерлерге қатысты тергеу 2021 жылдың 27 қазанында басталған, деп хабарлайды Stan.kz ақпарат агенттігі.
Тергеу кезінде Қарағандының 28 және 29 жастағы тұрғындары полицейден 150 мың теңге беруін талап еткені анықталды. Бермеген жағдайда полицейдің тәртіп бұзған видеосын жариялайтынын айтқан.
"Полицей полиция департаментіне шағым түсіріп, жоғарыда аталған тұлғаларды жауапқа тартуды сұраған. Тергеу шаралары нәтижесінде полицейлер күдіктілерді ұстады. Сонымен қатар олардан заңға қайшы әрекеттерін дәлелдейтін айғақтар табылды", – делінген полиция департаментінің хабарламасында.
Наурыз айында күдіктілерге қатысты материалдар сотқа жіберілген. Іспен танысқан сот ер адамдарды "Қорқытып алу" бабы бойынша кінәлі деп танып, үкім шығарды. Нәтижесінде күдіктілердің бірі 3,5 жылға бас бостандығынан айырылса, екіншісі дәл осы берзімге бас бостандығынан шектелді.
Астана әкімдігі сенбілікте пластик жинағандарға қағаз салфетка таратқан: Экологтар бұның үлкен қате екенін айтып, дабыл қақты
