Қарағандыда өртке байланысты қаланың жартысы жарықсыз қалды
"Қарағанды жарық" өртіне байланысты қаланың жартысы жарықсыз қалды. Бұл туралы Stan.kz ақпарат агенттігі "Патриот" Telegram-арнасына сілтеме жасап хабарлайды.
Қарағандының жартысы электрмен жабдықтау жөніндегі монополист “Қарағанды жарық" ЖШС аумағындағы өрттің салдарынан жарықсыз қалған.
“Қосалқы станцияда трансформатор өртеніп кетті. Орталық бөлік электр қуатынсыз қалды", – делінген хабарламада.
Қарағанды әкімі орынбасары Рүстем Қожағапановтың айтуынша, қазір тұтынушыларды басқа желіге қайта қосу жүріп жатыр. Олар екі сағат ішінде жарық беруге уәде береді.
Трансформатордағы өрт 14:24-те жойылды. Құрбандар мен зардап шеккендер жоқ.
Талқылау