Қарағандыда көпқабатты үйдің ауласынан 18 және 20 жастағы екі жігіттің мәйіті табылды
Қарағандыда көпқабатты үйдің ауласынан 18 және 20 жастағы екі жігіттің мәйіті табылды, деп хабарлайды Stan.kz ақпарат агенттігі eKaraganda сайтына сілтеме жасап.
Қылмыс орнына жедел-тергеу тобы келді. Полиция дереу осы үйге іргелес тұрғын үйлерді іздей бастады.
Көп ұзамай Қарағанды патрульдік полиция полкінің қызметкерлері 23 жастағы күдіктіні ұстады.
"Күдікті үй ауласында жанжал кезінде жәбірленушілерге пышақ сұққанын мойындады. Қылмыс қаруы тәркіленді. ҚР Қылмыстық кодексінің 99-бабы 2-бөлігі “ Кісі өлтіру” бойынша қылмыстық іс қозғалды", – дейді Қарағанды облысы полиция департаменті басшысының орынбасары Әбіл Әбілдин.
Талқылау
Пікір