Қарағандыда қаза тапқан кеншілерге ескерткіш орнатылады

Қарағандыда 2023 жылдың 28 қазанында Костенко атындағы шахтада қаза тапқан 46 кеншінің құрметіне ескерткіш орнатылады. Бұл туралы Stan.kz ақпарат агенттігі patriotnews.kz порталына сілтеме жасап хабарлайды. 

Фото Новости Казахстана Youtube арнасынан скринделген

Ескерткіштің жобасын қаза тапқан кеншілердің жақындары таныстырды. Талқылау барысында олар өз ұсыныстарын да айта алды.

"Қаза тапқан кеншілердің отбасыларымен кездесу өткізді. Біздің компания монумент салуға қаражат бөлу туралы түбегейлі шешім қабылдады", – деді "Qarmet" АҚ еңбек қатынастары жөніндегі директоры Ерболат Дүйсіпов.

Мемориалдың жобасын әйгілі мүсінші Игорь Баграмов ұсынды.

• Костенко шахтасында қаза болған кеншілердің жақындары президентке үндеу жолдады (видео)

• Костенко шахтасындағы қайғылы оқиғаға кінәлі деген айыппен 9 шенеунік қамауға алынды

"Қазір біз макет, жоба, эскиздер ұсындық. Оның қай жерде орнатылатыны талқыланып жатыр", – деп түсіндірді Баграмов.

Еске салсақ, өткен жылдың 28 қазанына қараған түні Костенко шахтасында жарылыс болып, 46 шахтер қаза тапқан еді.