Қарағанды облысында ерлі-зайыптылар мен олардың үш баласы жол апатынан қаза тапты

Қарағанды облысында жантүршігерлік жол апатынан ерлі-зайыптылар мен олардың үш баласы көз жұмды. Тағы бір бала ауруханаға жеткізілген, деп хабарлайды Stan.kz ақпарат агенттігі. 

26 тамызда сағат шамамен 23:30-да "Балқаш - Приозерск" тас жолында, Гүлшат ауылына 23 шақырым жердегі жөндеу жүріп жатқан жабық жолда 35-жастағы ер адам басқарған Opel Vectra көлігі 25-жастағы азаматтың басқаруындағы Howo жүк көлігімен бетпе-бет соқтығысты. 

Жол-көлік оқиғасы салдарынан Opel Vectra автомашинасының жүргізушісі, оның 35-жастағы жолаушысы (жұбайы), олардың кәмелетке толмаған үш баласы оқиға орнында қаза болды, бір бала медициналық мекемеге жеткізілді. 

Факті полицияда тіркелді және тағайындалған қажетті сараптама қорытындылары бойынша процессуалдық шешім қабылданады.