Қарағанды облысында 24 жастағы кәсіби боксшы пышақ жарақатынан мерт болды
24 жастағы боксшы Шахтинскіде пышақ жарақатынан қаза болды, деп хабарлайды Stan.kz ақпарат агенттігі.
20 тамызға қараған түні Шахтинск қаласының 24 жастағы тұрғыны жарақат алды. Жігіт Орталық қалалық ауруханаға жатқызылды. Алайда, оны құтқару мүмкін болмады.
Қарағанды облысы полиция департаментінің баспасөз қызметі кісі өлтіру фактісін растады. Ведомство бұл факті бойынша тергеу басталғанын атап өтті. Белгілі болғандай, мерт болған жас жігіт бокспен кәсіби түрде айналысқан.
"24 жастағы жас жігіт Шахтинск қаласының орталық ауруханасына пышақ жарақатымен жеткізілді. Өкінішке қарай, ол есіне келмей көз жұмды. Аталған факті бойынша ҚР ҚК 99-бабының 1-бөлігі "Адам өлтіру" бойынша сотқа дейінгі тергеу басталды. Қазіргі уақытта полиция қызметкерлері күдіктіні анықтау және ұстау бойынша жедел-іздестіру іс-шараларын жүргізуде", – деді Қарағанды облысы ПД баспасөз қызметінде.
Астана әкімдігі сенбілікте пластик жинағандарға қағаз салфетка таратқан: Экологтар бұның үлкен қате екенін айтып, дабыл қақты
