"Қар жауып, тұман күтіледі": Синоптиктер алдағы күнге арналған ауа райы болжамын жариялады
Қазгидромет Қазақстан аумағы бойынша 13 қарашаға арналған ауа райы болжамын жариялады. Синоптиктердің мәліметінше, республиканың басым бөлігінде дауылды жел мен тұрақсыз ауа райы сақталады. Бұл туралы Stan.kz ақпарат агенттігі хабарлайды.
Сурет pexels-тен
Мамандардың мәліметінше, республиканың оңтүстік-шығысында және шығысындағы таулы аймақтарда қатты жауын-шашын (қар аралас жаңбыр), көктайғақ күтіледі. Тек батыс облыстарында антициклонның екпінінен жауын-шашынсыз ауа райы күтіледі.
Ұлытау облысының шығысында түнде көктайғақ күтіледі. Облыстың батысында, шығысында және Жезқазған қаласында тұман болжанған.
Солтүстікте, Қарағанды облысында көктайғақ, тұман күтіледі. Облыстың солтүстігі мен батысында тұман болжанды.
13-15 қарашада оңтүстікте, Жамбыл облысының таулы аймақтарында және Таразда тұман күтіледі. Облыстың оңтүстік-батысында, солтүстік-шығысында, таулы аймақтарда желдің жылдамдығы 15-20 м/с жетеді.
Атырау облысында жел соғып, облыстың солтүстігі мен шығысында екпіні 15-20 м/с-ге жетпек.
Алматы облысының таулы аймақтарында түнде қалың қар жауады. Оңтүстікте, облыстың таулы аймақтарында кей жерлерде тұман түседі. Жел 15-20 м/с күшейеді. Алматы, Қонаев қалаларында түнде және таңертең тұман күтіледі.