"Қар аралас жаңбыр жауады": Синоптиктер алдағы күндерге арналған ауа райы болжамын жариялады

Синоптиктер 9-11 қараша күндеріне арналған Қазақстан бойынша ауа райы болжамын жариялады. Мамандар алдағы күндері елдің көп бөлігінде жауын-шашын болатынын жеткізді. Бұл туралы Stan.kz ақпарат агенттігі хабарлайды. 

Сурет pexels-тен

Қазгидрометтің мәліметінше, Қазақстанның басым бөлігінде алдағы үш тәулікте ауа райының тұрақсыз сипаты сақталады. Жауын-шашын қар аралас жаңбыр күтіледі. Қатты жаңбыр 9 қарашада оңтүстікте, 10 қарашада батыста, 9-10 қарашада оңтүстік-шығыста, 11 қарашада еліміздің шығысында болады деп күтілуде.

Республика бойынша жел күшейіп, түнгі және таңертеңгі уақытта тұман болжанды. Еліміздің солтүстік-батысында, солтүстігінде, орталығында және шығысында көктайғақ күтіледі. Кезеңнің соңына қарай Қазақстанның оңтүстік-шығысында түнгі сағаттарда ауа температурасы түнде 2 градус аяз, таулы аудандарда 5 -10 градусқа дейін температураның төмендейді.