Қапшағай қаласына жаңа әкім тағайындалды

Қапшағай қаласында жаңа әкім болып Нұрлан Құматаев тағайындалды, деп хабарлайды Stan.kz ақпарат агенттігі. 

Бұл туралы Алматы облысының баспасөз қызметі мәлім еттті.

"Алматы облысы əкімінің өкімімен Нұрлан Орынбасарұлы Құматаев Қапшағай қаласының əкімі болып тағайындалды", - делінген ресми хабарламада

Талғат  Қайнарбеков басқа жұмысқа ауысуына байланысты Қапшағай қаласының əкімі лауазымынан босатылыпты. 

Нұрлан Құматаев 1970 жылы туған. Алматы мемлекеттік медицина институтын стоматолог дəрігер, Қазақ мемлекеттік заң академиясын заңгер, Шет тілдер жəне іскерлік карьерасы университетін экономика бакалавры мамандықтары бойынша бітірген.

Еңбек жолын Алматы қаласындағы №4 стоматологиялық емханасының стоматолог дəрігері болып бастаған. Әр жылдарда Іле ауданы Жетіген ауылдық округі əкімінің орынбасары, Іле ауданы əкімі аппараты Тұрғын үй-коммуналдық шаруашылығы бөлімінің бас маманы, Іле ауданы Байсерке ауылдық округі əкімінің орынбасары, Іле ауданы əкімі аппараты Шағын жəне орта бизнес, Жұмыспен қамту жəне əлеуметтік бағдарламалар бөлімдерінің бастығы болды.

2016 жылдың ақпанынан - Іле ауданы əкімінің орынбасары болып қызмет атқарған.

Талқылау
Пікір
Қазір оқып жатыр
Çàãðóçêà...
Қазір оқып жатыр