Канело мен Головкиннің үшінші жекпе-жегінің уақыты жарияланды

Орта салмақтағы IBF және IBO чемпионы қазақстандық Геннадий Головкиннің келесі жекпе-жектерінің уақыты белгілі болды.

Жекпе-жек дәстүрлі түрде Канелоның сүйікті даталарының бірі - Синко-де-Майо мерекесіне сәйкес келеді.

GGG-дің промоутері Эдди Хирн DAZN-мен сұхбатында айтқандай, боксшы IBF титулын міндетті түрде поляк Камил Шереметамен жекпе-жекте қорғауға келісімшартқа отырған. Бұл шара қараша айында болады деп күтілуде.

Осыдан кейін Геннадий келесі жылдың мамыр айында мексикалық Сауль Альвареспен үшінші жекпе-жек өткізуді жоспарлап отыр. Жекпе-жек дәстүрлі түрде Канелоның сүйікті даталарының бірі - Синко-де-Майо мерекесіне (5 мамырда атап өтілетін) сәйкес келеді.

Бұған дейін хабарлағанымыздай, Головкиннің келесі жекпе-жегі өтетін күн хабарланды. Геннадий Головкин (40-1-1, 35 КО) польшалық міндетті қарсылас Камил Шереметамен (21-0, 5 КО) жекпе-жек өткізеді.